टोकेपाडा (डहाणू) : कोणतेही काम कमी दर्जाचे नसते, याचा धडा टोकेपाडा, घोलवड (ता. डहाणू, जि. पालघर) येथील जिल्हा परिषद प्राथमिक शाळेच्या मुख्याध्यापकांनी शाळेच्या दुसऱ्याच दिवशी घालून दिला. दीपक देसले असे त्यांचे नाव आहे. पालघर जिल्हा परिषदेच्या जनसंपर्क अधिकारी मनीषा निरभवणे यांनी त्या संदर्भातील माहिती दिली.
दीड ते दोन महिने बंद असलेल्या शाळेची शौचालयाची टाकी स्वतः मुख्याध्यापकांनी स्वच्छ केली. त्यातील सोनखत काढून घेतले. तसेच त्यानंतर हात स्वच्छ कसे धुतले जातात, याचे प्रात्यक्षिकही मुलांना दाखवले. त्यामुळे स्वच्छतेचाही धडा मुलांना मिळाला. या वेळी काही ग्रामस्थही उपस्थित होते.
